HStAOrient5a: 82v

Ve seḥer‑gāh biçilen bihterdür öyle zamānı biçilenden. Ve gerekdür ki // ġalleʾi ḫırmenden anbāra ṭulūʿ‑i āftābdan muqaddem naql ėdesin // ki henūz serd ola geç helāk ola ve anbāruñ gerekdür ki // cānib‑i şarqdan sūrāḫları ola. Rūşenālıq dāḫil // olub defʿ‑i buḫār eyler. Mesʾele: Engūr tiryāq ne gūnedür? // Cevāb: ʿAcāyib‑i ehl‑i Rūmdandur. Ziyāde menfaʿatlüdür. // Tāk‑i rez ki üzüm çubuġıdur dibinden üç barmaq miqdārı // şikāf qılalar. Baʿdehū qulaq ayurtlıyacaq demür ile maġzını // pāk ėdüb gidereler ve ol ḫālī qalan maḥalli maʿcūn‑i tiryāq [ile] // bezerek ṭolduralar. Baʿdehū şikāfı biri biriyle muṭābıq // yumuşaq otluq ile muḥkem ṣarub bend ėdeler ve dibini // yaban ṣoġanı türşisinüñ ortasına ṣoqub bu ḥālet // ile yėre göme. Çün ṭutub şāḫlar vėre. Baʿdehū bir destīnüñ // dibini alub ve dibini çubuġuñ sāqına muttaṣıl qıla ve aġzını // yuqaru qıla şöyle ki münḥarif ṭura. Destīnüñ aġzı çubuqdan // dūr ola her sāl bahār vaqtinde bir miqdār tiryāq‑i mezbūrdan // āb ile ḥall ėdüb destīye qoya tāki tedrīciyle ṣuvarıla. // Çün engūr vėre dėrler ki engūrınuñ her dānesi tiryāquñ // miqdār‑i şerbeti qadar teʾs̱īr ve nefʿ vėre ve cemīʿi ol tiryāqda